27-30 ناۋرىز ارالىعىندا استانا قالاسىنىڭ اۋماعىندا «قارۋ 2018» جەدەل پروفيلاكتيكالىق شاراسى وتەدى, دەپ حابارلايدى ەلوردا اكىمدىگىنىڭ رەسمي سايتى.
شارا بارىسىندا حالىق اراسىندا زاڭسىز ساقتالعان قارۋ-جاراقتى, وق-دارىلەردى ەرىكتى تۇردە تاپسىرۋ جونىندەگى ءتۇسىندىرۋ جۇمىستارىنا ەرەكشە كوڭىل ءبولىندى.
«تۇسىندىرمە جۇمىستارىن جۇرگىزۋدىڭ ناتيجەسىندە تىركەلگەن قارۋدىڭ 47 بىرلىگى ەرىكتى تۇردە تاپسىرىلدى.
ازاماتتىق قارۋدىڭ 852 يەسى تەكسەرىلدى. تەكسەرىس ناتيجەسى بويىنشا قارۋدى ساقتاۋ جانە قايتا تىركەۋ مەرزىمىن بۇزعان 34 ادام انىقتالىپ, اكىمشىلىك جاۋاپكەرشىلىككە تارتىلدى», - دەلىنگەن ۆەدومستۆونىڭ حابارلاماسىندا.
قورىتىندىلارعا سايكەس, قارۋدى ساقتاۋ, الىپ ءجۇرۋ, ساتىپ الۋ ەرەجەسىن بۇزۋدىڭ 45 وقيعاسى انىقتالىپ, تىركەلگەن قارۋ بىرلىكتەرى يەلەرىنەن الىندى.